حبك شمعه وقلبي فانوس وبتلعب بي ... وحوي يا وحوي
ياما هواك غرمني فلوس إرحم قلبي... وحوي يا وحوي
إيـــاحـــــــه
****
من يوم حبك وانا مسكين .. .. كل ما أبعت شوق وحنين
بترجعهم لي وتقول لي .. .. غيرهم لي بقمر الدين
وكل يوم على دي الحاله .. .. يا الله الغفار
دا قلب ده ولا بقاله .... يا الله الغفار
مهما هواك يديني دروس ما بحرمشي .. وحوي يا وحوي
حبك شمعه وقلبي فانوس وبتلعب بي ... وحوي يا وحوي
******
إشمعنى انت يا اعز حبيب .. .. وانت لجرح القلب طبيب
دا انا ما اساويش عندك يا حبيبي ..وقة لوز أو رطل زبيب
وتشوف وتعمل مش شايف .... يا الله الغفار
لا كنافه نافعه ولا قطايف .... يا الله الغفار
يا محيرني قيام وجلوس وملوعني ... وحوي يا وحوي
حبك شمعه وقلبي فانوس بتلسوعني... وحوي يا وحوي
********
أطلب روحي ها ابعتها قوام .. .. وابعت فوقها كيلو سلام
خد من غيري الجوز والبندق .. ما انتاش عارف الوقه بكام
يا حلو وادينا العاده.... يا الله الغفار
نظرة عيونك بزياده .... يا الله الغفار
شوف كام سنه وهواك محبوس جوه ف قلبي
وحوي يا وحوي
حبك شمعه وقلبي فانوس وبتلعب بي ...
وحوي يا وحوي
إيــاحــــه

أغنية حبك شمعة وقلبي فانوس