والله ياجماعه الدنيا مقلوبه
سكتوا اخاف احجي وابتلي النوبه
لا لا بطلت راح احلف التوبه
ما احجي الصدق ما اسلك دروبه
شيفي الحجي ويه ل اذنه مقطوبه
واليحجي الصدق طاقيته منقوبه
,,,,,,,,,,,,,,,,,,
هاليوم الجذب رايج على عيبه
والغشاش راهي وايده بجيوبه
والينافق بخيت ورجله بركوبه
والحر الكريم محاسنه ذنوبه
هاي شلون كذبه شلون مكتوبه
واليحجي الصدق طاقيته منقوبه
,,,,,,,,,,,,,,,,,
واليوم الخيانه بضاعه مرغوبه
والجاسوس صوره بوسط جرجوبه
وباسم الشيوعيه وباسم العروبه
ده يضربون ناس وناس منكوبه
خرنابات تكتل تدي بعقوبه
واليحجي الصدق طاقيته منقوبه
,,,,,,,,,,,,,,,,,
والجاهل الابتر نال مطلوبه
والعالم حقوقه اليوم منهوبه
والاجنبي مكرم كلها من صوبه
وابن البلد دي يلعبون بيه طوبه
لو يدري العبد ياناس شق ثوبه
واليحجي الصدق طاقيته منقوبه
,,,,,,,,,,,,,,,,,
ماطول العجوز القرعه والعوبه
سمت نفسها سوسو ولهلوبه
بس ماظل عمر يسوه ياحبوبه
حت الاسماء شو صبحت مقلوبه
لوبي عاد ياروحي فرد لوبه
واليحجي طاقيته منقوبه
,,,,,,,,,,,,,,,,,

أغنية اللي يحكي الصدق