اه ويلاه من عم ظلوم..............بعد ما ابويا رقد تحت التراب
القمر لاغاب ما تفيد النجوم .............وعسى بيتا عقب عمره خراب
***

كيف بهجع واهتني في حل نوم .....وامسح دموعي مثل رش السحاب
بعد ماحكم على اسرتنا عموم ......صرت انا بعيونهم مثل الذباب
***

ارتدي للمدرسه اردى الهدوم ........وبنت عمي ترتدي اغلى الثياب
ان طلبت حاجة فيها لزوم ..........صد عني دون يعطيني جواب
***

طال همي واغتيابي واللجوم.......اه يا دنيا التعاسه والعذاب
مرحبا ياقبر فيه كفن رحوم........وعسى يجزاه ربي بالثواب
***

ليت من قبره ولو ساعه يقوم .......يشهد الي صابني بعز الشباب
فوق ماعندي من احزان وهموم ......... زوجوني شايبا قذر الثياب
***

أغنية آه ويلاه من عم ظلوم