أهازيج أطفال الإمارات
Treble ClefD
Bass ClefD
هل تبحث عن درجة نغمية أخرى؟
نوتات مشابهة
الكلمات
يمي وعيني غبشه
بلقط نخل خلفان
بسويلي ضميده
بطرشها عيمان
عيمان ماتستاهل
تستاهل غرفة بيضا
مليوصة ابزعفران
الزعفران المري
على الخدود ارظوف
يالغرفه يالشرقيه
بناج بوعلي
حق عيشه لبدويه
بنت محمد علي
ابا عندها شفيه
نيره والا جني
عمتي مرت ابويه
يوم يتها الهديه
دستها في الزويه
تتحسبني طلاّبه
اطلب على البيبان
ما جن ابويه تاجر
بيصوغ لي الذهبان
حمامه نودي نودي
سلمي على سعودي
سعودي ساير مكه
بيب ثياب بو العكه
بحطه في صنيديقي
صنيديقي ما له مفتاح
والمفتاح عند الحداد
والحداد يبغي فلوس
والفلوس عند العروس
والعروس تبغي عيال
والعيال يبغون حليب
والحليب عند البقر
والبقر يبغون حشيش
والحشيش فوق اليبل
واليبل يبغي مطر
والمطر عند الله
لا اله الا الله
محمد رسول الله
خوصه بوصه يالنبوصه
كلاج الدود من حندود
مرينا على عريّب ياكلون فردتين
كلنا وياهم فرده وحده
و البيظات نايلوها من قطر الى قطر
فيها الصغير و المطر
فيها صبي غاوي
قمّاري
يسكن على ضيّ القمر
يا حمد و يا حميدوه
ويا رطيبات الخشكاروه
يا صبارة ما دريتي عن خطّار اللفوج
قالت لفوفي غبشه على خيول وبوش
مصليين الجمعة أحمد ولد الشيوخ
يالس على الدجيجه يالس ويعد فلوس
والطاسة المنقوشة ما ضمت الفلوس
بقارتنــا يالعــــوده يا أم شراع اليديد
ربي ايعطيج الدانه توفي حمد واتزيد
بفصــل من دكـان ثوب ادويحي يديد
بفصـله وبخيطـــه غمن عن الحسيد
طاح المطر بيد الله
كسر حوي عبدالله
طاح طاح طاح المطر برعوده
طاح طاح كسر حوي سعوده
طاح طاح طاح المطر طاح المطر بإيد الله
كسر حوي سعوده
طاح طاح طاح المطر في الوادي
وتباشرت البلادي
طاح طاح طاح المطر من فوقي
طاح طاح كسر حوي بن طوقي
طاح طاح طاح المطر