اوقاتي بتحلو
Treble ClefB
Bass ClefB
هل تبحث عن درجة نغمية أخرى؟
نوتات مشابهة
الكلمات
أوقاتي بتحلو
تحلو معاك
وحياتي تكمل برضاك
وبحس بروحي بوجودي
من اول ما بكون وياك
ويا روحي ساعه ما القاك
مش بس اوقاتي بتحلو
دي العيشه والناس والجو
والدنيا الدنيا بتضحكلي معاك
من كتر حلاوه الايام
ونعيمي وسعدي بلياليك
مش بحسب فات منهم كم
ولا بقدر افكر غير فيك
والليل وياك يساوي زمان
واليوم وياك يساوي زمان
واكتر يزمان من ميه بكره
ده الليل بلقاك انوار وامان
حتى ولو كان من قمره
وانا بيك على طول احلم وأنول
بحلم على طول وبغني واقول
أوقاتي بتحلو
تحلو معاك
وحياتي تكمل برضاك
يا روحي ساعة ما ألقاك
مش بس اوقاتي بتحلو
دي العيشه والناس والجو
والدنيا الدنيا بتضحكلي معاك
الله عالحب لما يوفق بين قلب وقلب
يخلّي القرب شعور تاني أحلى من القرب
وانا جنبك بنسى ان الدنيا فيها ناس قاسيين
أو فيها عزاب هجر وشكوى بين العاشقين
وبشوف إن العالم كله محبّين
وان جاني حسود في هواك وعذول
يقولوا يا عين حسيبوا يقول
وانا خاف من ايه وانت معايا
والعالم ايه ما انت كفاية
يا روحي ساعة ما ألقاك
مش بس اوقاتي بتحلو
دي العيشه والناس والجو
والدنيا الدنيا بتضحكلي معاك
يا سلام يا سلام يا سلام يا سلام
يا سلام لما الايام تضحك وتروح
عين يا ليل يا ليل
والحب لما بيحيي الارواح مع كل شروق
وانا بلمح بكره معاك فتان مليان افراح
وجمال اشكال والوان
وانت اللي بتدي القلب النور
وتخلي نجوم لياليه تدور
وتملى حياتي ورود وزهور
وانا اخاف من ايه منته معايا
والعالم ايه العالم منته كفايه
يا روحي ساعه ما القاك
مش بس اوقاتي بتحلو
العيشه والناس والجو
والدنيا بتضحكلي معاك
كلمات : عبدالوهاب محمد
الحان : سيد مكاوي