يا ويلي من تصاويبك
Treble ClefG
Bass ClefGهل تبحث عن درجة نغمية أخرى؟
نوتات مشابهة
الكلمات
آه يا ويلي من تصاويبك
في عيوني بانت اسبابك
لي سهيت أتم اهاذيبك
ولا غفت عيني تسادابك
لي سمعت الناس تهذيبك
احيت عروقي من اطيابك
في نظر عيني اداريبك
فوق نجم سهيل مسحابك
والقمر و الليل يوحي بك
والنسيم الجذي غنى بك
والبدر لي لاح يسدى بك
والوصف يدني من اصوابك
وانتهى إللي شاحني طيبك
في فؤادي فتحت ابوابك
طايحه روحي لمطاليبك
مغرم هاوي و طلابك
هايم وابحث و اناديبك
واندب بحسرات و عزاتك
ما يشافي غير تطبيبك
يا بعد عمري من اعشابك
غبت وانقطعت مواريبك
وانت إللي همني غيابك
اعرف انه سالي قليبك
ولا تسطر بعد في حسابك
ليت ماعرفك ولا ادريبك
ولا نظرت لبسمة عذابك
ولا مشيت بخطا دريبك
ولا ريولي قربت ترابك
ليت ماعرفك ولا ادريبك
ولا نظرت لبسمة عذابك
ولا مشيت بخطا دريبك
ولا ريولي قربت ترابك
من متى ومن كم معديلك
ما استطيع عزمٍ على غيابك
لكن انا بالله طلّيبك
والذي خلاك لاحبابك
كلمات: زايد بن سلطان آل نهيان
ألحان: عيد الفرج