عيون القلب
Treble ClefD
Bass ClefD
هل تبحث عن درجة نغمية أخرى؟
نوتات مشابهة
الكلمات
عيون القلب سهرانه ما بتنامشي
لانا صاحيه ولا نايمه ما بقدرشي
يبات الليل يبات سهران على رمشي
وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم
حبيبي حبيبي اه من حبيبي عليه احلى ابتسامه
لما بتتضحك عيونه بقول يلا السلامه
لما يسلم عليه والا يقولى كلام
عايزه ورا كل كلمه اقوله ياسلام ياسلام
ده قالى فى يوم ياحبيبتى خدى القمر
ورحت معاها وما ادنى الا السهر
وانا رمشى مداق النوم وهو عيونه تشبع نوم
روح يا نوم من عين حبيبي روح يا نوم
تقولى كلام وافرح بيه انا افرح بيه
اسيب النوم وافكر فيه انا افكر فيه
انت تروح وتمشي وانا اسهر منامشي
ياللى مبتسهرشي ليله ياحبيبي
سهرني حبيبي حبك ياحبيبي
بكتب على الليالي اسمك ياحبيبي
ده قالى فى يوم ياحبيبتى خدى القمر
وروحت معاها وماادنى الا السهر
وانا رمشى مداق النوم وهو عيونه تشبع نوم
روح يا نوم من عين حبيبي روح يا نوم
حبيتك يا حبيبي من غير ما اسال سؤال
وها اسهر يا حبيبى مهما طال المطال
انا بس اللى محيرني ومخلانيش انام
ازاي انا بقدر اسهر و ازاي تقدر تنام
و اقوله حبيبي كل ما فيك حبيبى وحلو
صوتك حلو قلبك حلو وحتى لما تتعبني
و اسهرلك سهرك حلو
وانا رمشي مداق النوم وهو عيونه تشبع نوم
روح يا نوم من عين حبيبي روح يا نوم
كلمات: عبد الرحمن الابنودي
ألحان: محمد الموجي
غناء: نجاة الصغيرة