Owa'a Tkallemni

line

Subject : اغاني
Country : egypt Singer : A'aziza Hilmi Al Masria
Composer : Zakaria Ahmed Writer : Yonis Al Qaddi



RELATED Classical Recordings

line



LYRICS

line


أوعى تكلمني بابا جاي ورايا
ياخد باله مني ويزعل ويايا
فاهم .. أوعى تكلمني
يا روحي يا ست عزيزة

باردون يا عزيزي بابا راجل قاسي
على أبسط حاجة يجرح إحساسي
يا سلام لو شافني وياك وعرفني
كان يعمل غارة ويلم الحارة
بس ابعد عني ما توقفش معايا
وخليك مستني جنب الحوداية
واوعى تكلمني أهو جاي ورايا

أحسن لنا نهرب ونقوم بلطافة
قبل ما يلمحنا دي عنيه شوافة
خايفة لا يمسكنا وبعدين يهبشنا
واسمح لي أقول لك أختك خوافة
بس ابعد عني ما توقفش معايا
وخليك مستني جنب الحوداية
أوعى تكلمني أهو جاي ورايا

فيها إيه لو شوفته بالذوق وعرفته
وعرفت اصحابه وطويت معرفته
يمكن لو شافك ترضيه أوصافك
وان هوش حبة اقبل تهويشته
بس ابعد عني ما توقفش معايا
وخليك مستني جنب الحوداية
أوعى تكلمني أهو جاي ورايا

يا روحي يا ست عزيزة يا مصرية

ابعت لنا نينتك تبلف لنا نينتي
وان كان علي مهري أنا اجيب لك صيغتي
وابدلها بقشرة ولا حدش يدري
و نعيش في هناوة عيشة برلنتي
بس ابعد عني ما توقفش معايا
وخليك مستني جنب الحوداية
أوعى تكلمني أهو جاي ورايا

أغنية أوعى تكلمني