عشان ما نعلى
القالب : اغاني البلد : مصر المغني : سيد درويش المؤلف الموسيقي : سید درویش الكاتب : بديع خيري
التسجيلات النادرة المشابهه
الكلمات
عشان ما نعلا و نعلا و نعلا لازم نطاطي نطاطي نطاطي
عشان ما نعلا و نعلا ونعلا لازم نطاطي نطاطي نطاطي
بسلامته الوالي أبوزعيزع مهجص باشا دقن تعيتع
أفيونته تمللي قال إيه نترصص دايما حواليه
نروح واقفين زنهار زي القط والفار
نلقاه دايما منفوخ نفشر له طاخ طيخ طوخ
الرك على حبة بولوتيكه وذمة كاوتشوك خربانه
مادام الامير ملته أنتيكه لازم الرعيه تكون وحلانه
الرك علا حبة بولوتيكه وذمه كاوتشوك خربانه
مادام الامير ملته أنتيكه لازم الرعيه تكون وحلانة
حزر فزر يا واد أنت بعقلك بعد الحنشصه دي اللى أنت عليها
ياهل ترا الدنيا دي ها تروق لك و تشوف ما شاف قراقوش فيها
تعرفش المسأله إيه عرنوس متعفرت ليه؟
من حقه سلامات سلامات ايش حال القفوات
الجميع: محاسيبك
حسن: يا خي سيبك
اول شرط نطاطي البصله لسيدنا الوالي ونستعبط له
مهما تسمعو تهجيص اعملوا روحكم بلاليص
مهما نسمع تهجيص نعمل روحنا بلاليص
بلاليص بلاليص بلاليص بلاليص بلاليص بلاليص
عشان ما نعلا و نعلا و نعلا لازم نطاطي نطاطي نطاطي