low Teheb Low Ma Teheb

لو تحب لو ما تحب هي وحدة من اثنين
تاركني وسط الدرب توعد إلك سنتين
حتى بعذابك عذب بس الصبر لي وين
لو تحب لو ما تحب هي وحدة من اثنين

ما بين حـكيك امس وما بين حـكي اليوم
ضاع العمر وانقضى بين العتب واللوم
مرة انت قمرة وضوه مرة مطر وغيوم
بين الصدق والـكذب ضيعت زين بشين
لو تحب لو ما تحب هي وحدة من اثنين

ياما حسبتك وفي وقلت العذاب يهون
خليتني بغربتي وبظني كثر ظنون
لا اقدر انه ابتعد لا تقلي انت شلون
محسوب الك هم محب ما تروى منك عين
لو تحب لو ما تحب هي وحده من اثنين

كلمات: طاهر سلمان
ألحان: طارق الشبلي