Jarh Al Mawadah

رحت يم الطبيب اللي يداوي الجروحِ
قال جرح المودّة ما يسر الدوا به
قلت قلبي تكلّف يا الطبيب النصوحي
قال طبّه مع اللي ولّعه وإشتقى به

قلت بالله تجمّل دلّني وين أروحي
وين أبلقى علاجي و الأداوي تشابه
أوّل الليل أهوجس و آخر الليل أنوحي
وا عذاب المولّع بالهوى وا عذابه

صابني بالعيون والحجاج الذبوحي
وأحمر المبسم اللي ما يعالج صوابه
منك روحي خطيرة يا حبيبي تروحي
الهوى يذبح العاشق وهو ما درابه

ليت عينك تشوف وليت مسمعك يوحي
يوم انادي ودمعي مثل وبل السحابه
اه من واهج اه بأقصى الضماير يفوحي
كل ما اشرب عليه الماء يزيد التهابه

يا حبيبي علامك بالمواصل شحوحي
ارحم الي معاك ما جابه الورق جابه
جاك علم الصحيح و راح هرج المزوحي
كل شي الا التّفرق ماحسبنا حسابه

كلمات: فالح
ألحان: طارق عبدالحكيم