Maw'oud
MIDI
$59.99
Sibelius
$119.99The download package contians a PDF file for each avalible pitch.
Treble ClefA
Bass ClefA
Looking for another pitch?
RELATED NOTES
LYRICS
موعود معايا بالعذاب موعود يا قلبي
موعود ودايماً بالجراح موعود يا قلبي
ولا بتهـدى
ولا بترتاح في يـوم يا قلبي
وعمرك ما شفت معايا فرح
كل مرة ترجع المشوار بجرح
والنهاردة جاي تقول انسى الآهات
جاي تقول لي يالا بينا الحب فات
وميل وحدف منديله
كاتب على طرفه أجيله
وأمانة يا دنيا أمانة
تاخدينا للفرحة أمـانة
وتخلي الحزن بعيد عنا
وتقول للحب استنّا استنّا
تاني تاني تاني
حنروح للحب تاني
والنار والعذاب من تاني
تاني تاني تاني
حنروح للحيرة تاني
ونضيع ونجري ورا الأماني
ويغيب القمر ونعيش السهر
وأهات الألم بليالي الندم
يا ليل آه يا ليل
يا حزن السهارى
ياللي شفت في عيني دمــــوع وأنا دايما راجع وحيـد
خلي فجر الحب يطلع بـدري يملي مشوارنا الجديد
وأمانة يا دنيا أمانة
تاخدينا للفرحة أمـانة
وتخلي الحزن بعيد عنا
وتقول للحب استنّا استنّا
وابتدي ابتدي ابتدي المشوار
وآه يا خوفي من آخر المشوار
جنه ولا نار اه يا عيني
رايح وانا محتار آه يا خوفي
واتقابلنا..والحياة قدام عينينا حلوة
واتقابلنا..والكلام فوق الشفايف غنوة
كل حاجة فكرت فيها
في لحظة واحدة رديت عليها
بنظـــرة حلوة من عينيها
الأمان في عينيها
حسيت إني عديت للأمان في عينيها
والحنان خد مني وادفا
يااللي محروم من الحنان
والقمر طلع والخوف بعد
والهوى دفي والليل سمع
شوف بقينا فين يا قلبي
وهي راحت فين
شوف خدتنا لفين يا قلبي
وشوف سابتنا فين
في سكة زمان راجعين في سكة زمان
في نفس المكان ضايعين في نفس المكان
لا جراحنا بتهدي يا قلبي
ولا ننسى اللي كان يا قلبي
بتصحي الطريق خطوينا وأنين السنين
والسما بتبكي علينا والناي الحزين
حتى نجوم ليالينا والقـمر غايبين
وتاني تاني تاني
راجعين أنا وأنت تاني
للنار والعذاب من تانــي
وتاني تاني تاني
راجعين للحيرة تاني
هايمين ونجري ورا الأمانـي
ويغيب القمر
ونعيش السهر
وآهات الألم
وليالي الندم
وأمانة يا دنيا أمانة تداوينا من جرح هوانا
وتخلي الحب بعيد عنا ولانستناه ولا يسـتنا
ده آمانة
كلمات: محمد حمزة
ألحان: بليغ حمدي