Seeret El Hob
MIDI
$49.99
Sibelius
$239.99The download package contians a PDF file for each avalible pitch.
Treble ClefB
Bass ClefB
Looking for another pitch?
RELATED NOTES
LYRICS
طول عمرى بخاف من الحب
وسيرة الحب وظلم الحب لكل أصحابه
وأعرف حكايات مليانه آهات
ودموع وأنين
والعاشقين دابوا ما تابوا
طول عمرى بقول
لا انا قد الشوق وليالي الشوق
ولا قلبى قد عذابه
وقابلتك انت لقيتك
بتغير كل حياتي
ما اعرفش إزاي حبيتك
ما اعرفش إزاي يا حياتي
من همسة حب لقيتني بحب
لقيتني بحب وادوب في الحب
وادوب في الحب وصبح وليل
وليل على بابه
فات من عمرى سنين وسنين
شفت كتير كتير وقليل عاشقين
اللى بيشكى حاله لحاله
واللى بيبكى على مواله
أهل الحب صحيح مساكين
ياما الحب نده على قلبي
ما ردش قلبى جواب
ياما الشوق حاول يحايلني
واقول له روح يا عذاب
ياما عيون شاغلوني
لكن ولا شغلوني
إلا عيونك انت
دول بس اللى خدوني
وبحبك أمروني
أمروني احب لقيتني بحب
لقيتني بحب وادوب في الحب
وادوب في الحب وصبح وليل
وليل على بابه
ياللى ظلمتوا الحب
وقلتوا وعدتوا عليه
قلتوا عليه مش عارف إيه
العيب فيكم
يا في حبايبكم
أما الحب ياروحى عليه
في الدنيا ما فيش أبدا أبدا أحلى من الحب
نتعب نغلب نشتكى منه لكن بنحب
يا سلام ع القلب وتنهيده في وصال وفراق
وشموع الشوق لما يقيدو ليل المشتاق
يا سلام ع الدنيا وحلاوتها فى عين العشاق
أنا خدني الحب لقيتني بحب
لقيتني بحب وادوب في الحب
وادوب في الحب وصبح وليل
وليل على بابه
يا اللي مليت بالحب حياتي أهدي حياتي إليك
روحى قلبى عقلى حبى كلّى ملك ايديك
صوتك نظراتك
همساتك شىء مش معقول
شيء خلى الدنيا زهور
على طول وشموع على طول
الله ياحبيبى على حبك وهنايا معاك
الله يا حبيبى يا حبيبى الله الله
ولا دمعة عين جرحت قلبى ولا قولة آه
ما بقولش فى حبك غير الله الله الله
الله يا حبيبى على حبك الله الله الله
من كتر الحب لقيتني بحب
لقيتني بحب وادوب في الحب
وادوب في الحب وصبح وليل
وليل على بابه
كلمات: مرسي جميل عزيز
ألحان: بليغ حمدي
غناء: أم كلثوم