Al Kannah
MIDI
$49.99
Sibelius
$59.99The download package contians a PDF file for each avalible pitch.
Treble ClefF
Bass ClefF
Looking for another pitch?
RELATED NOTES
LYRICS
عذب السجايا وعوده بأول الكنه
متى تزين السوالف وآخذ علومه
وأسامحه عن خطاة الجرح والونه
وأعاتبه لو يصد شوي والومه
وأذكره بأول المسفار حتى انه
لامن تذكر زمان أول نسى نومه
يومٍ انه أقبل خدين الروح يومنه
واقبلت اراعيه والقومه هي القومه
من يومها والحشا ماعاد له خنه
إلا لصوته وميعاده وملزومه
عفري هنف للضلوع وجالهن حنه
وأستانست له فياض القلب ورجومه
لبى جبينه لا أرتج الغطا كنه
برق يصب الرفيف بكبد ديمومه
ما أقول شفته وشفت البيض يتلنه
أقول شفته وشفت الشمس منجومه
ما أقول كن الجديل الليل لاكنه
ليل خرعه الظلام وضيّع نجومه
يا قبلة الله هكا العنقود لامنه
قام يتهجا شذا عطره ويشمومه
فيه أنتهى النور لا والله بدا منه
فجر نعس بالوريد ونام بهدومه
ورد تفرعن حماره قلت أباكنه
الى متى والحنايا منه مفطومه
فز وتطرق رطيبه قلت ماعنه
بالم شيحه وريحانه وقيصومه
صد وتلعثم هديله في برد سنه
يا قوم ذا النور يوم أنكت يا قومه
الله عطانيه والله يعطي الجنه
واليا أستجد الهوى كل ومقسومه
كلمات: مساعد الرشيدي